Nai dukan - pehle din system kaise set ho?
Nai dukan mein sab se bara waqt item file banane mein lagta hai, software seekhne mein nahin. Agar ye kaam pehle ho jaye to opening ke din billing chalti milti hai.
Opening se pehle
- Item list Excel mein bana lein - naam, rate aur purchase rate
- Supplier ki list alag rakhein
- Counter ki jagah tay karein - bijli ka point aur printer ki jagah
- Internet ya mobile data - sirf support ke liye, billing offline chalti hai
Hum kya karte hain
- Aap ki Excel se items system mein daal dete hain
- Barcode labels print kar ke dete hain
- Printer, scanner aur drawer set kar ke chalu kar dete hain
- Staff ko dukan par training - bill, refund, stock aur closing
Pehle hafte ki ghaltiyan jo aam hain
- Purchase entry na karna - phir stock kabhi theek nahin hota
- Har kisi ko ek hi login dena
- Backup na lena - rozana ka backup 2 minute ka kaam hai
- Rate software mein badalna lekin label purana hi lagana
Aam sawalat
Excel nahin bani hui, phir?
Koi baat nahin. Shuru mein jo items chal rahe hain wohi daal dein, baqi bill banate banate add hote jate hain.
Training kitne din ki hoti hai?
Aam dukan ke liye ek din kaafi hota hai, aur pehle hafte phone par madad chalti rehti hai.
Opening se kitne din pehle rabta karein?
Ek hafta pehle behtar hai, taake saamaan aur item file dono waqt par tayyar hon.