Barcode system: label printer, scanner aur barcode wala kaanta
Barcode lagane se billing tez hoti hai, ghalti kam hoti hai aur stock ka hisab theek rehta hai. Neeche wo saamaan hai jo is kaam ke liye chahiye.
Kya kya chahiye hota hai?
- Barcode label printer - apne items ke labels khud print karein
- Label roll aur ribbon - printer ke hisab se sahi size
- Barcode scanner - counter par bill banane ke liye
- Barcode label printing scale - khule saudey (chawal, daal, dry fruit) ka wazan, rate aur label ek sath
- POS software jo ye barcode parhe
Barcode banane ka free tool
Hamari website par free barcode generator maujood hai. Item ka naam, code aur price daal kar labels print kar lein - label printer par ya A4 sticker sheet par. Koi software install karne ki zarurat nahin.
Label acha print hone ke liye
- Code chhota rakhein - 6 se 8 digit har label par aa jata hai
- Print 100% scale par karein, "fit to page" band rakhein
- Wohi code software ke item file mein bhi daalein
Aam sawalat
Barcode number khud bana sakte hain?
Ji haan, apni dukan ke andar istemal ke liye apna number bana sakte hain. Baray stores ko supply karni ho to GS1 Pakistan se official number lena hota hai.
Kaanta (scale) barcode label print karta hai?
Ji haan. Wazan aur price barcode mein aa jata hai, counter par sirf scan karna hota hai. Qeemat Rs 115,000 hai - POS software ke sath lein to Rs 7,000 rayat.
Thermal label ya ribbon wala?
Thermal label sasta hai lekin garmi aur dhoop se mit jata hai. Lambay arsay ke liye ribbon (thermal transfer) behtar hai.